Ayiti-Ensekirite : Bandi detounen 1 milyon dola ameriken machandiz pou konpayi tabak « Comme Il faut »

Nan yon lèt konpayi tabak « Comme Il faut » voye bay Direksyon Santral Polis Jidisyè (Direction Centrale de la Police Judiciaire : DCPJ) nan dat 11 me 2022 a, li fè konnen bandi anba Delma detounen pou li 5 kamyon chaje machandiz epi ale ak yon machin epi 4 fizi kalib 12.

Bandi yo pa sispann fè pale de yo dènye jou sila yo nan tiye moun, kidnape yo ak detounen machandiz. Fwa sa a se konpayi tabak « Comme Il faut » ki viktim anba zak nèg ak gwo zam. Malfektè san fwa ni lwa yo detounen 5 kamyon machandiz pou Konpayi a ki evalye a 4860 kès sigarèt.

Selon sa konpayi sigarèt la fè konnen, kantite sigarèt sila a kapab evalye a plis pase yon (1) milyon dola ameriken.

Kantite sigarèt sila a te dwe ale vann nan gran Sid la kote Kamyon yo t ap ale pase sou bato sou lanmè pou kapab kontinye wout yo pou ale nan kote yo te gen pou ale a.

Konpayi « Comme Il faut » pa kontan zak sila a e li vle rekipere kantite machandiz la ak tout kamyon yo.

Bandi yo bat epi pote ale tou 4 fizi kalib 12 ki te nan men ajan ki t ap sekirite kamyon sa yo. 

Partager l'article article.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *