Bandi ak zam antre nan Premye Legliz Batis ki chita kò li nan ri La Reyinyon nan komin pòtoprens epi touye yon dyak, kidnape madanm li epi blese 2 lòt fidèl. Aksyon sa a pase vè 7è nan maten dimanch 26 septanm lan.
Sylner Lafaille se non yon dyak Premye Legliz Batis Pòtoprens ke bandi touye ak bal pandan li t ap antre legliz la. Apre zak sa a bandi yo ale ak madanm li epi blese 2 lòt moun nan legliz la.
Zak sila a sanble tèt koupe ak sa bandi yo ye fè nan legliz Advantis Dikini an kote yo te kidnape Pastè a ak kèk fidèl.
Zak banditis yo ap ogmante nan kapital Pòtoprens alòske Otorite yo kwaze ponyèt yo ap gade bandi yo ki ap fè Lalwa.
