PNH : Arestasyon 5 prezime bandi nan zòn Malpas

PNH : Arestasyon 5 prezime bandi nan zòn Malpas

Vandredi 2 septanm ki sot pase la a, lapolis Nasyonal mete anba kòd senk (5) prezime bandi nan zòn Malpas ki twouve li nan komin Kwadèboukè. Daprè PNH la, gwoup bandi sa yo ki fè pati gang “400 Mawozo”, jwenn arestasyon yo nan moman yo t ap eseye travèse fontyè ant Ayiti ak Repiblik Dominikèn nan.

Délice Judenson (22 lane) ; Félix Ritelmé (24 lane) ; Laguerre Jean Gardy (28 lane), tou lè 3 fèt nan komin Kafou ; Thelusmé Dieuson (25 lane) ki fèt nan komin Tigwav ; ak Louis Philippeson (19 lane) ki li menm se moun Maryani, se non senk prezime bandi Lapolis mete anba kòd, ayè vandredi 2 septembre nan, nan zòn Malpas.

Senk endividi sa yo ki se manm aktif òganizasyon malfektè ki pote non “400 Mawozo”  a t ap eseye travèse fontyè ant Ayiti ak Repiblik Dominikèn nan. Pou echape a kontwòl ajan Lapolis fwontalye yo, yo te pran direksyon lak la kote plizyè manm nan popilasyon an ta pral denonse yo.

Pou kounye a, senk endividi sila yo twouve yo nan gadavi ap tann desizyon Lajistis.

Alix ISRAËL
alixisrael53@gmail.com
Sous : PNH

Partager l'article article.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *